അപ്രകാശിത കവിത

ചേരി മറച്ചാലും മായില്ല

ചോരപ്പാടുകൾ.

മോടി പിടിപ്പിച്ചാലും  തീരില്ല

പേടിപ്പടർപ്പുകൾ.

വംശവെറിയുടെ വിളഭൂമിയിൽ

വിപത്തിന്റെ വിത്തിട്ടു പോയിട്ടുണ്ട്

അപരാധങ്ങളുടെ അധിപർ!

പൗരനിയമത്തിന്റെ വൈരപാർശ്വങ്ങളിൽ

മൗനത്തിന്റെ തീക്കനൽ നിറച്ചിട്ടുണ്ട്

ഉന്മൂലനത്തിൻ ഉന്മാദികൾ !

കുത്തിയെടുത്ത ഭ്രൂണങ്ങളുടെ തണുപ്പിൽ

വിഷച്ചെടികൾ മുളപൊട്ടുന്നു..

കത്തിച്ചെരിച്ച മനുഷ്യക്ഷാരങ്ങളിൽ 

കൊലമരങ്ങൾ പൂക്കുന്നു..

ഗാന്ധിമണ്ണിലുരുണ്ട കബന്ധങ്ങൾ

ഉത്തരദേശങ്ങളിലൂടെ പേ പിടിച്ചോടുന്നു...

ഗുജറാത്തും ഡൽഹിയും 

പൗരത്വത്തിന്റെ ഇരയടയാളങ്ങൾക്ക് 

...................

ജാലിയൻ ബാഗും ശഹീൻ ബാഗും

സമരാനന്തരം സ്വർഗം !