എടപ്പാൾ: വീണു കിട്ടിയ സ്വർണാഭരണം ഉടമയ്ക്ക് ലഭ്യമാക്കി യുവാവിൻ്റെ മാതൃക. നെല്ലിശ്ശേരി സ്വദേശി പി കെ നജീബിൻ്റെ സത്യസന്ധതയും നടപടിയുമാണ് നവദമ്പതികളായ കോലൊളമ്പ് പുലിക്കാട്ടിലെ മുസ്ഥഫയ്ക്കും ശമീഹയ്ക്കും ആശ്വാസമായത്.
ഒരാഴ്ച മുമ്പ് വിവാഹിതരായ ഇവർ ബൈക്കിൽ യാത്ര ചെയ്യവേയാണ് രണ്ടു പവൻ തൂക്കമുള്ള കൈച്ചെയ്ൻ നഷ്ടപ്പെട്ടത്. തുടർന്ന് ഇവർ പല വഴി തെരഞ്ഞെങ്കിലും ഫലമുണ്ടായില്ല. പൂക്കറത്തറ ദാറുൽ ഹിദായ ഹയർ സെക്കണ്ടറി സ്കൂളിലെ കാൻ്റീൻ നടത്തിപ്പുകാരനായ നജീബ് ജോലി കഴിഞ്ഞ് വീട്ടിലേക്ക് തിരിച്ചു പോകുമ്പോഴാണ് കോലൊളമ്പ് റോഡിൽ വീണു കിടക്കുന്ന സ്വർണാഭരണം കണ്ടത്.
ഉടനെ അതെടുത്ത് ഇദ്ദേഹം ചങ്ങരംകുളം പോലീസ് സ്റ്റേഷനിൽ എത്തി എസ് ഐ വിജിത് കെ വിജയനെ ആഭരണം ഏൽപ്പിക്കുകയും സമൂഹ മാധ്യമങ്ങളിൽ അറിയിപ്പ് നൽകുകയും ചെയ്തു. ഇത് ശ്രദ്ധയിൽ പെട്ട മുസ്തഫ സ്റ്റേഷനിൽ എത്തി തെളിവ് ഹാജരാക്കുകയായിരുന്നു. പിന്നീട് സ്റ്റേഷൻ ഓഫീസർമാരുടെ സാന്നിധ്യത്തിൽ നജീബിൽ നിന്ന് സന്തോഷപൂർവം ആഭരണം കൈപ്പറ്റി.
നാട്ടിൽ സാമൂഹ്യ പ്രവർത്തനങ്ങളിൽ സജീവമായ നജീബിൻ്റെ മാതൃകയെ പൊലിസ് പ്രശംസിച്ചു.
No comments:
Post a Comment