സാന്ത്വനം : കുടുംബ കൃഷി വാട്സാപ് ഗ്രൂപ്പിനെ കുറിച്ച്

 സാന്ത്വനം മെഡിക്കൽ സെന്റർ നടുവട്ടം.

കുടുംബ കൃഷി

വാട്സാപ് ഗ്രൂപ്പിനെ കുറിച്ച്

....................................................

കാർഷിക മേഖലയെ പ്രോൽസാഹിപ്പിക്കാനും കർഷകർക്കാവശ്യമായ നിർദേശങ്ങൾ നൽകാനും, പുതിയ ആളുകളെ ഈ മേഖലയിലേക്ക് ആകർഷിക്കാനും, ഇവരുടെ വളർച്ചയും പുരോഗതിയും ഉറപ്പുവരുത്തുത്താനും ലക്ഷ്യം വെച്ചുള്ള മൊബൈൽ ഫോൺ കൂട്ടായ്മയാണ് ഇത്. 

സാധാരണക്കാരും സമുന്നതരുമായ,

വിവിധ മേഖലകളിൽ പ്രവർത്തിക്കുന്ന, വ്യത്യസ്ത നാട്ടുകാരായ ആളുകൾ ഈ കൂട്ടായ്മയിൽ അംഗങ്ങളാണ്. എല്ലാവരേയും കോർത്തിണക്കി കാർഷിക മേഖലയെ ഉണർത്താൻ ഉതകുന്ന പ്രവർത്തനങ്ങൾക്ക് ചാലകശക്തിയാവുക എന്നതാണ് ഈ ഗ്രൂപ്പിന്റെ ലക്ഷ്യം.

അതിനാൽ, ചില നിർദേശങ്ങൾ ഇവിടെ സൂചിപ്പിക്കട്ടെ..

കൃഷിയുമായി ബന്ധമില്ലാത്ത മറ്റൊരു വിഷയവും ഇവിടെ ചർച്ചക്കെടുക്കരുതെന്നാണ് ആദ്യ അഭ്യർഥന.

നാമെല്ലാവരും വിവിധങ്ങളായ മറ്റു ഗ്രൂപ്പുകളിൽ അംഗങ്ങളാണല്ലോ.. പുറമെ, ഇങ്ങനെയൊരു പുതിയ ഗ്രൂപ്പ് കൂടി ഫോണിൽ വന്നത് പലർക്കും പ്രയാസമുണ്ടാക്കുന്നുണ്ടാവാം..

എന്നാൽ, താങ്കൾ ഒരു സുപ്രധാന വ്യക്തിയെന്ന നിലയ്ക്കും ഈ ഗ്രൂപ്പ് പ്രധാനപ്പെട്ടൊരു വിഷയമാണ് കൈകാര്യം ചെയ്യുന്നത് എന്ന ചിന്തയിലുമാണ് നിങ്ങളെ ഇതോടൊപ്പം ചേർത്തു പിടിച്ചിരിക്കുന്നത്!

'മൃഗസംരക്ഷണം' കൃഷിയുമായി ബന്ധപ്പെട്ടത് കൊണ്ട് അത്തരം വിഷയങ്ങളും ഇവിടെ ചർച്ച ചെയ്യാവുന്നതാണ്.

കൃഷിയുമായി ബന്ധമില്ലാത്ത ഒരുവിധ പോസ്റ്റുകളും (വീഡിയോ, ലിങ്കുകൾ, ആശംസകൾ, നിര്യാണം, അപകടം, കോവിഡ്.... തുടങ്ങിയവ) ഒരു കാരണവശാലും ഈ ഗ്രൂപ്പിലേക്ക് ഫോർവേർഡ് ചെയ്യരുത്.

കൃഷിയുമായി ബന്ധപ്പെട്ട ഫോട്ടോ, വീഡിയോ എന്നിവ പോസ്റ്റ് ചെയ്യുമ്പോൾ നിർബന്ധമായും അതിന്റെ അടിക്കുറിപ്പ് ചേർക്കാൻ വിട്ടുപോകരുത്. താൽപ്പര്യമുള്ളവർക്ക് മാത്രം അവ ഡൗൺലോഡ് ചെയ്യാൻ ഇത് സഹായകമാവും.

നിങ്ങളുടെ കൃഷിയുടെയും വിളവെടുപ്പിന്റെയും ചിത്രങ്ങളും വീഡിയോകളും  രണ്ടിൽ കൂടാതിരിക്കാൻ ശ്രദ്ധിക്കണം.

കൃഷിയുമായി ബന്ധപ്പെട്ട അറിവുകളും സംശയങ്ങളും ഗ്രൂപ്പിൽ പങ്ക് വെക്കുകയും അഡ്മിൻമാരും വിദഗ്ധരും നൽകുന്ന മെസേജുകൾ ശ്രദ്ധിക്കുകയും ചെയ്യണം.

നിങ്ങളുടെ പോസ്റ്റുകൾ ( സംശയം/അറിവ് എന്നിവ ) പരമാവധി മലയാളത്തിൽ തന്നെ ടൈപ്പ് ചെയ്യാനും, സാധിക്കാത്തവർ വളരെ ചുരുങ്ങിയ രൂപത്തിൽ പ്രധാനപ്പെട്ടത് മാത്രം വോയ്സിൽ ഇടാനും ശ്രദ്ധിക്കണം. (മംഗ്ലീഷ് പൂർണമായും ഒഴിവാക്കുക)

നിർബന്ധിത ഘട്ടത്തിൽ മെഡിക്കൽ സെൻററുമായി ബന്ധപ്പെട്ട കർഷകർക്ക് ഉപകരിക്കുന്ന സന്ദേശങ്ങൾ വരുമ്പോൾ സഹകരിക്കേണ്ടതാണ്.

ഈ ഗ്രൂപ്പ് വഴിയുള്ള ബന്ധത്തിലൂടെ അംഗങ്ങൾക്കിടയിൽ ഉണ്ടാകുന്ന കാർഷികോൽപ്പന്നങ്ങളുടെ "കൊടുക്കൽ - വാങ്ങലുകൾക്ക് " വ്യക്തിപരമായ ഉത്തരവാദിത്വമേ ഉണ്ടായിരിക്കൂ...

മുകളിൽ പറഞ്ഞ നിർദേശങ്ങൾ പാലിക്കാൻ സാധിക്കാത്തവരെ ഗ്രൂപ്പിൽ നിന്ന് റിമൂവ് ചെയ്യുന്നതാണ്. 

എന്നാൽ, അബദ്ധത്തിൽ പിഴവുകൾ സംഭവിച്ചാൽ അഡ്മിൻമാരുമായി PM (പേഴ്സണൽ മെസേജ് ) ചെയ്ത് പരിഹാരം കാണാവുന്നതാണ്.

കാർഷിക രംഗത്തുള്ള പ്രമുഖർ ഈ ഗ്രൂപ്പിലുണ്ട്. തിരക്കുകൾക്കിടയിലും അവരുടെ വിലപ്പെട്ട സമയം നമുക്ക് വേണ്ടി നൽകുന്നത് നമ്മുടെ വീടിന്റെയും നാടിന്റെയും സുജീവിതവും കാർഷിക പുരോഗതിയും  ലക്ഷ്യം വെച്ചാണ്. 

അതിനാൽ, നടുവട്ടം സാന്ത്വനം മെഡിക്കൽ സെന്റർ, നാടിന്റെ കാർഷികാഭിവൃദ്ധിക്കു വേണ്ടി രൂപം നൽകിയ ഈ കൂട്ടായ്മയെ നല്ല രൂപത്തിൽ മുന്നോട്ട് നയിക്കാനും പരസ്പരം പ്രയോജനകരമാക്കാനും ഇതിലെ ബഹുമാന്യരായ അംഗങ്ങൾ ബോധപൂർവം പരിശ്രമിക്കണമെന്ന് അഭ്യർഥിക്കുന്നു.

എല്ലാവർക്കും നന്മകൾ നേർന്ന്,

സയ്യിദ് SIK തങ്ങൾ, മൂതൂർ

പ്രൊ. അനീസ് ഹൈദരി

ഡോ. സജീർ

പ്രിയൻ നടുവട്ടം

ഹസൻ നെല്ലിശ്ശേരി