പ്രിയപ്പെട്ട ഉപ്പ ഇനി ഓർമകൾ മാത്രം...

എത്ര പെട്ടെന്നാണ് ആ വാത്സല്യമുഖം പോയ് മറഞ്ഞത്..!

സ്നേഹം മാത്രം തന്ന് നമ്മെ ജീവിതത്തിൽ കൈ പിടിച്ച പ്രിയപ്പെട്ട ഉപ്പയുടെ വിയോഗത്തിൽ വിഷമിച്ചിട്ടൊന്നും കാര്യമില്ല. എല്ലാം റബ്ബിൻ്റെ വിധി!

ആ ഉപ്പയുടെ ആത്മാവിനോട് നന്ദി കാണിക്കണമെങ്കിൽ, ആ വലിയ ഹൃദയത്തോട് കടപ്പാട് കാണിക്കണമെങ്കിൽ ആറടി മണ്ണിലെ ആനന്ദത്തിനു വേണ്ടി ഉപകാരപ്പെടുന്നതെന്തെങ്കിലും നാം ചെയ്തേ പറ്റൂ..

നടുവട്ടത്തെ 'നന്മ'ക്കും സുന്നീ പ്രസ്ഥാനത്തിനു വേണ്ടി നിലകൊണ്ടതിൻ്റെ പേരിൽ അവർ ഉപ്പയ്ക്കു വേണ്ടി ധാരാളം ഖുർആൻ പാരായണങ്ങളും തഹ് ലീലുകളും ചെയ്തു കൂട്ടുകയാണ്; അൽഹംദുലില്ലാഹ്..

അതുപോലെ നമുക്കും നിർവഹിക്കണം. ധാരാളം പേർ അംഗങ്ങളായിട്ടുള്ള നമ്മുടെ കുടുംബത്തിലും ഉപ്പയ്ക്കു വേണ്ടി ഖുർആൻ ഖത്മുകൾ നിർവഹിക്കാൻ എല്ലാവരും മുന്നോട്ട് വരണം. മരണപ്പെട്ടു പോയവർക്ക് ഇടമുറിയാതെ ഗുണം കിട്ടുന്ന കാര്യങ്ങളിൽ ഏറ്റവും പ്രധാനപ്പെട്ടതാണ് ജീവിച്ചിരിക്കുന്ന മക്കളും കുടുംബങ്ങളും സ്നേഹ ജനങ്ങളും ചെയ്യുന്ന ഖുർആനും മറ്റു സ്വദഖ:കളും എന്ന് റസൂൽ പഠിപ്പിച്ചത് നമുക്ക് അറിയാവുന്നതാണല്ലോ...

അതിനാൽ, നമ്മളും ഉപ്പയുടെ ഇഷ്ട്ക്കാരും നിർവഹിക്കുന്ന ഇത്തരം സൽകർമ്മങ്ങൾ കൊണ്ടേ സ്നേഹനിധിയായ ഉപ്പ ഖബറിൽ കിടന്ന് സന്തോഷിക്കൂ....

നമ്മൾക്കു വേണ്ടി ഒട്ടേറെ ത്യാഗങ്ങൾ സഹിച്ച്, വേദനകളും പ്രയാസങ്ങളും മറന്ന്, കഷ്ടപ്പാടുകൾ നേരിട്ട് ജീവിതത്തിൽ നമ്മെ സന്തോഷിപ്പിച്ച ഉപ്പയെ അദ്ദേഹത്തിൻ്റെ ബർസഖീ ജീവിതത്തിൽ നമ്മളും സന്തോഷിപ്പിക്കേണ്ടതില്ലേ...? കടൽ പോലെ മുങ്ങിത്താഴുന്ന ആ ഖബറിൽ നമ്മളും കൈ പിടിക്കേണ്ടതില്ലേ...?

തീർച്ചയായും! നമ്മളത് ചെയ്തേ തീരൂ...

അതിനായി ഇപ്പോൾ തന്നെ നമുക്ക് തുടക്കമിടാം.

ഈ കുടുംബ കൂട്ടായ്മയിലെ എല്ലാ അംഗങ്ങളും അവരവർക്ക് കഴിയും വിധത്തിൽ ഖുർആൻ ജുസ്ഉകൾ ഏറ്റെടുത്ത് നിർവഹിക്കണം എന്ന് അപേക്ഷിക്കുകയാണ്.

റബ്ബ് നമ്മുടെ പ്രവർത്തനങ്ങൾ സ്വീകരിക്കട്ടെ. 

ഉപ്പയുടെ ആഖിറം അല്ലാഹു വെളിച്ചമാക്കട്ടെ.. ആമീൻ.

സ്നേഹത്തോടെ നിങ്ങളുടെ

ശാഫി